شفقنا- نخستوزیر پاکستان با انتشار پیامی توئیتری از آغاز مذاکرات با طالبان برای تشکیل دولتی فراگیر در افغانستان خبر داد.
به گزارش شفقنا به نقل از طلوع نیوز، عمران خان، نخستوزیر پاکستان با انتشار پیامی توئیتری از آغاز مذاکرات با طالبان برای تشکیل دولتی فراگیر در افغانستان خبر داد.
به گزارش مهر، عمران خان در صفحه توئیتر خود نوشت: پس از مذاکرات در دوشنبه با رهبران همسایگان افغانستان و به ویژه گفتگوی طولانی با «امامعلی رحمان»، رئیس جمهور تاجیکستان، من با طالبان گفتگو برای تشکیل یک دولت فراگیر در افغانستان شامل تاجیکها، هزارهها و ازبک ها را آغاز کردهام.
وی در ادامه پیام خود آورد: پس از ۴۰ سال درگیری، این فراگیری (در ساختار دولت) صلح و ثبات افغانستان را تضمین میکند، که (این موضوع) نه تنها به نفع افغانستان بلکه به نفع منطقه است.
لازم به ذکر است، امامعلی رحمان رئیس جمهور تاجیکستان و عمران خان نخست وزیر پاکستان امروز طی یک نشست مطبوعاتی اعلام کردند که از تلاش برای میانجیگری در روند مذاکرات میان طالبان و جبهه پنجشیر استقبال میکنند و حتی شهر دوشنبه- پایتخت تاجیکستان –آمادگی میزبانی از این نشست را دارد.
نخست وزیر پاکستان در این باره گفت: ما توافق کردیم که تاجیکستان با رهبران پنجشیر و پاکستان با طالبان صحبت کند تا هر چه سریعتر پای میز مذاکره در دوشنبه بنشینند.
رئیس جمهور تاجیکستان نیز تاکید کرد که او و نخست وزیر پاکستان به میانجیگری در مذاکرات کمک خواهند کرد.
امام علی رحمان همچنان تاکید کرد که او از دولت فراگیر در افغانستان با مشارکت همه گروههای اجتماعی حمایت میکند.
